ತಿಗಳಾರಿ ಲಿಪಿ

                  ಉತ್ತರಕನ್ನಡ ಜಿಲ್ಲೆಯಲ್ಲಿ  ದೊರೆತ ಒಂದು ವಿಶೇಷ ಬಗೆಯ ಲಿಪಿಯನ್ನು ಕಣ್ಣಾರೆ ಕಂಡು ಆ ಬಗ್ಗೆ ಪುಸ್ತಕದಲ್ಲಿ ದಾಖಲಿಸುವಲ್ಲಿ ಮೊದಲಿಗರಾದ ಇಬ್ಬರು ಮಹನೀಯರಲ್ಲಿ ವಿದೇಶಿಯರಾದ ಬುಖಾನನ್ [1801]ಒಬ್ಬರಾದರೆ ಇನ್ನೊಬ್ಬರು ಕಾರವಾರದವರಾದ  ಎಸ್. ಸಿಲ್ವಾ. 

              ಎಸ್. ಸಿಲ್ವಾ. ಇವರು  ಕೆನರಾ  ಗೆಜಿಟಿಯರದ ಪರಿಷ್ಕರಣದ  ಬಗ್ಗೆ ಮಾಹಿತಿ ಸಂಗ್ರಹಿಸುವ ಕಾರ್ಯವನ್ನು ಕೈಕೊಂಡ ಸಂದರ್ಭದಲ್ಲಿ ದೊರೆತ ಮಾಹಿತಿಯನ್ನು ಇಂಗ್ಲಿಷಿನಲ್ಲಿ ಬರೆದರು. ಇದನ್ನು  ಶ್ರೀ ಎಂ. ಎನ್. ಭಂಡಾರಕರ ಕನ್ನಡಕ್ಕೆ ಅನುವಾದಿಸಿದರೆಂದು  ಕಾರವಾರ ಜಿಲ್ಲಾ ದರ್ಶನ ಈ ಪುಸ್ತಕದಲ್ಲಿ ಎಸ್. ಸಿಲ್ವಾ ತಿಳಿಸುತ್ತಾರೆ.  ಇದು ಪ್ರಕಟವಾದ ಕಾಲ 1962 ಎಂದು  ತಿಳಿಯಲಾಗಿದೆ.  ಇವರು ತಮ್ಮ ಪುಸ್ತಕದಲ್ಲಿ ದಾಖಲಿಸಿದ ತಿಗಳಾರಿ ಲಿಪಿಯ ಛಾಯಾ ಚಿತ್ರ ಇಲ್ಲಿದೆ.  


ಎರಡನೆಯದು 1985ರಲ್ಲಿ [ಶಾಂತಿನಾಯಕ] ಸ್ವತಃ ತಿಗಳಾರಿ ಬಲ್ಲವರಿಂದ  ಕರ್ಕಿಯಲ್ಲಿ ಬರೆಯಿಸಿಕೊಂಡದ್ದಾಗಿದೆ. ಇದರಲ್ಲಿ ಕನ್ನಡ ನಾಡಿನ ಕನ್ನಡ ಲಿಪಿಯ ಪ್ರಭಾವವು ತಿಗಳಾರಿ ಲಿಪಿಯ ಮೇಲಾಗಿರುವ ಪ್ರಮಾಣವನ್ನು  ಗುರುತಿಸಬಹುದು.